Clymblaid i reoli Cyngor Sir Mynwy

Mae'r Ceidwadwyr a'r Democratiaid Rhyddfrydol wedi dod i gytundeb ynglŷn â rheoli Cyngor Sir Mynwy.

Y Ceidwadwyr oedd yn rheoli'r hen gyngor, ond ar ôl etholiadau Mai 3ydd, roedden nhw dair sedd yn brin.

Bydd yna gyhoeddiad ffurfiol mewn cynhadledd i'r wasg yn Neuadd y Sir ddydd Iau.

Mae gan y Ceidwadwyr 19 o gynghorwyr a'r Democratiaid Rhyddfrydol 3, gan olygu cyfanswm o 22 allan o 43.

Dywedodd arweinydd y Ceidwadwyr, y cynghorydd Peter Fox: "Rydym yn bwriadau llunio agenda bositif a chreu cyfloed drwy weithio fel partneriaeth."

Dywedodd y cynghorydd Phil Hobson, arweinydd y Democratiaid Rhyddfrydol: "Rwy'n gwybod y gallai'r bartneriaeth roi arweinyddiaeth llawn egni i'r sir dros gyfnod o bum mlynedd."