1,000 yn llai'n ddi-waith yng Nghymru

Cyhoeddwyd
ffynhonnell y llun, (C) British Broadcasting Corporation
disgrifiad o’r llunYn ôl ffigyrau Ionawr tan Fawrth roedd 132,000 o bobl yn ddi-waith.

Bu gostyngiad o 1,000 yn nifer y bobl ddi-waith yng Nghymru yn nhri mis cyntaf y flwyddyn.

Yn ôl ffigyrau Ionawr tan Fawrth roedd 132,000 o bobl yn ddi-waith.

Dywedodd y Swyddfa Ystadegau fod 9% yn ddi-waith, gostyngiad o 0.1% ar y tri mis blaenorol.

Ond parhau i godi mae canran y menywod sy'n ddi-waith.

Collodd 8,000 ohonyn nhw eu swyddi rhwng Ionawr a Mawrth tra oedd gostyngiad o 9,000 ymhlith nifer y dynion di-waith.

Yn y pedair gwlad roedd gostyngiad o 45,000 i gyfanswm o 2.63m.

Yng Nghymru roedd 79,500 yn hawlio lwfans chwilio am waith yn Ebrill, 300 yn llai na'r sefyllfa ym Mawrth.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol