Heddlu'r Gogledd yn holi Sky News

Ched Evans Image copyright Other
Image caption Cafodd Ched Evans ei garcharu am bum mlynedd am dreisio

Mae swyddogion Heddlu Gogledd Cymru wedi bod yn holi staff sianel deledu Sky News am ddarlledu enw merch a gafodd ei threisio gan y pêl-droediwr Ched Evans.

Cafodd Evans ei garcharu am bum mlynedd am dreisio'r ferch 19 oed mewn gwesty ger Y Rhyl y llynedd.

Bydd yr ymchwiliad i'r achos yn parhau.

Mae 16 o ddynion a menywod ar draws Gogledd Cymru a De Swydd Efrog wedi cael eu harestio a'u rhyddhau fel rhan o'r ymchwiliad wedi i nifer o bobl enwi'r fenyw .

Cadarnhaodd y Ditectif Brif Arolygydd Steve Williams o Heddlu'r Gogledd fod Sky News wedi cydweithredu'n llawn gyda'r ymchwiliad.

Pwysleisiodd yr heddlu fod y gyfraith yn golygu bod y rhai sy'n diodde' treisio neu droseddau rhyw difrifol eraill yn anhysbys am oes.

Os yw unrhyw un yn cyhoeddi enw dioddefwr, fe fydd y mater yn cael ei ymchwilio'n drylwyr cyn camau cyfreithiol.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.