Ymdrech i ddiogelu cimwch coch

Cafodd y cimwch coch eu rhyddhau i afon Irfon

Mae cyfanswm o 500 o gimwch coch wedi eu rhyddhau i afon ym Mhowys fel rhan o ymdrech i atal y rhywogaeth rhag diflannu o wyneb y ddaear.

Y gobaith yw y bydd y cimwch coch cynhenid blwydd oed yn magu yn afon Irfon ger Llanfair-ym-Muallt.

Mae'r ardal sydd wedi ei ddewis yn rhydd o afiechyd sy'n lladd y cramenogion.

Mae'r cimwch coch cynhenid hefyd dan bwysau gan eu bod yn gorfod cystadlu a chimwch coch o ogledd America sy'n lledu drwy Brydain.

Dyw cimwch coch o Ogledd America ddim yn bresennol yn yr ardal dan sylw.

Cafodd y cimwch cynhenid eu magu yn Aberhonddu.

Dywedodd Oliver Brown, o Asiantaeth yr Amgylchedd Cymru: "Mae'r prosiect yn rhan hanfodol o strategaeth yr Asiantaeth i achub y cimwch choch.

"Mae'r strategaeth cyn cynnwys gwarchod y cimwch yn eu cynefinoedd presennol, a sefydlu ardaloedd diogel newydd ar eu cyfer.

Cafodd y cimwch coch eu magu yn Aberhonddu

Mae'r Asiantaeth yn gweithio ar y cyd gyda Sefydliad yr Wy a'r Wysg.

Fe wnaeth y Sefydliad gychwyn ar eu gwaith yn 2009.

Cafodd y cimwch coch Americanaidd ei gyflwyno i Brydai yn 1970au 1980au er mwyn eu pysgota.

Mae arbenigwyr yn poeni y gallai'r rhywogaeth gynhenid farw o fewn 30 o flynyddoedd oni bai fod rhywbeth yn cael ei wneud.