Katherine Jenkins yn ail ar Dancing With The Stars

Roedd Jenkins yn dawnsio gyda Mark Ballas

Fe ddaeth y gantores o Gastell-nedd Katherine Jenkins yn ail yn y gyfres deledu Dancing with the Stars yn Amercia.

Dyma fersiwn America o Strictly Come Dancing y BBC.

Yr enillydd oedd y pêl-droediwr Americanaidd Donald Driver.

Roedd Jenkins yn dawnsio gyda Mark Ballas, ac ar ddiwedd y gyfres dywedodd "diolch anferth" iddo mewn neges ar wefan Twitter.

Ymhlith y rhai eraill oedd wedi cymryd rhan eleni oedd cyn-bencamwraig Wimbledon Martina Navratilova a'r gantores Gladys Knight.

Nid dyma oedd y tro cyntaf i Jenkins, 31 oed, ymddangos ar y gyfres.

Un o'r beirniaid oedd prif feirniad Strictly, Len Goodman.

Ymhlith y Prydeinwyr i gystadlu yn y gorffennol y mae Heather Mills a Kelly Osbourne.

Ymhlith enillwyr blaenorol y mae actores Dirty Dancing Jennifer Grey a fu'n feirniad gwadd ar Strictly Come Dancing y llynedd a chyn-gantores Pussycat Dolls Nicole Scherzinger.

Fe wnaeth Jenkins gyhoeddi ei bod hi a'r cyflwynydd Gethin Jones wedi gwahanu ym mis Rhagfyr.

Fe wnaeth y ddau gyfarfod pan oedd Jones yn cystadlu ar Strictly Come Dancing yn 2007.

Daeth Jones yn drydydd gyda'i bartner Camilla Dallerup.