BBC Cymru Fyw

Ymchwilio i achos tân

Published
image copyrightBBC news grab
image captionAchoswyd difrod sylweddol i'r tŷ, ond doedd neb ynddo

Mae'r gwasanaeth tân yn ymchwilio i achos tân mawr mewn tŷ yng Ngwynedd ddydd Gwener.

Cafodd Gwasanaeth Tân ac Achub Gogledd Cymru eu galw i Bontrug ger Caernarfon am 12.27pm.

Ar un cyfnod roedd pum injan dân yn bresennol, gyda chriwiau o Gaernarfon, Llanberis, Bangor a Phorthaethwy ar y safle.

Mae'r gwasanaeth tân wedi dweud nad oedd neb yn y tŷ, a'u bod wedi cael eu galw gan gymydog.

Maen nhw eisoes wedi dechrau ymchwilio i achos y tân.