Corff ger Llyn Efyrnwy: Heddlu yn apelio

Mae'r heddlu'n apelio am help i adnabod corff dyn gafodd ei ddarganfod mewn llyn bach ger Llyn Efyrnwy yn gynharach ym mis Mai.

Dywedodd ditectifs eu bod yn gobeithio y byddai watsh anarferol y dyn yn eu helpu.

Cafwyd hyd i gorff y dyn ar Fai 23 yn rhaeadr Rhiwargor.

Roedd yr heddlu wedi dweud nad oedd y farwolaeth yn amheus.

Cafodd archwiliad post mortem ei gynnal yr wythnos diwethaf.

Symbol

Roedd y dyn 60 oed â gwallt coch, yn 5'11" o daldra ac yn gwisgo sbectol a dillad tywydd oer.

Y gred yw bod y corff wedi bod yn y llyn rhwng wythnos a mis.

Yn ôl yr heddlu, roedd ei watsh ag wyneb du gyda symbol rhedynen arian Seland Newydd arno.

Dywedodd y Ditectif Arolygydd Diane Davies: "Rydyn ni am adnabod y dyn fel y gall y teulu wneud trefniadau ar gyfer ei angladd."

Dylai unrhywun â gwybodaeth ffonio Heddlu Dyfed-Powys ar 101.