Cyffuriau: Arestio mwy na 30

Beach Break Live Image copyright Other
Image caption Roedd 20,000 yn yr ŵyl yn 2011

Cafodd mwy na 30 o bobl eu harestio am droseddau'n ymwneud â chyffuriau yn ystod gŵyl Beach Break Live eleni.

Arestiodd yr heddlu 31 o bobl am droseddau'n ymwneud â chyffuriau yn yr ŵyl ar draeth Cefn Sidan ger Parc Gwledig Penbre, Sir Gâr, rhwng Mehefin 14 ac 18.

Cafodd pedwar eu harestio am droseddau'n ymwneud â meddwdod, difrod troseddol a throseddau yn erbyn y drefn gyhoeddus.

Ond ar y cyfan, meddai'r heddlu, roedd llai o droseddau na llynedd.

'Chwilio'

"Dim ond dau achos o ddwyn gafodd eu hadrodd, ffigwr isel iawn o gofio digwyddiad o'r fath," meddai llefarydd.

Roedd 20,000 yn yr ŵyl yn 2011.

Dywedodd y Prif Arolygydd Mark Bleasdale o Heddlu Dyfed-Powys: "Rhan o'r rheswm am fwy o arestio yn ymwneud â chyffuriau oedd ein hymgyrch lle'r oedd pobl yn cael eu chwilio wrth iddyn nhw fynd i'r ŵyl.

"Hefyd fe stopion ni a chwilio tua 100 o gerbydau yn ystod yr ŵyl."

Diogelwch

Yn ôl yr heddlu, cafodd 25 eu harestio yn yr ŵyl y llynedd a chofnodwyd 52 o droseddau.

Ond penderfynodd y trefnwyr gwella diogelwch ar gyfer eleni oherwydd pryderon yr heddlu.

Roedd yna well ddarpariaeth o gamerâu cylch cyfyng a ffensiau mwy diogel.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.