Glaw yn rhwystro gobeithion Morgannwg

Image copyright Other

Doedd dim chwarae yn bosib rhwng Morgannwg a Swydd Gaerloyw yng nghystadleuaeth 20/20 Friends Life ddydd Llun oherwydd y glaw cyson ym Mryste.

Mae'r ddau dîm yn casglu pwynt yr un, sy'n golygu bod Morgannwg yn aros un safle o waelod y tabl.

Mae 'na bryderon y bydd y tywydd gwael yn amharu ar yr ornest rhwng y Dreigiau a Swydd Gaerwrangon fydd yn cael ei gynnal yn Stadiwm Swalec am 6pm nos Fawrth.

Mae'n debyg nad oes llawer o obaith i Forgannwg gyrraedd rownd yr wyth olaf heblaw eu bod yn curo Swydd Gaerwrangon nos Fawrth ac yn ennill eu dwy gêm olaf yn erbyn Gwlad yr Haf a Swydd Warwick dros y Sul.