BBC Cymru Fyw

Y nofelydd Jon Gower: Anllythrennedd yn 'argyfwng'

Published
image captionEnillodd Jon Gower Lyfr y Flwyddyn 2012

Ar ôl ennill cystadleuaeth Llyfr y Flwyddyn am ei nofel Y Storïwr dywedodd Jon Gower ei fod yn poeni am allu pobl i ddarllen.

Mewn cyfweliad gyda Post Cyntaf BBC Radio Cymru dywedodd fod "anllythrennedd yn argyfwng cymdeithasol".

Dywedodd nad cyfrifoldeb ysgolion yn unig oedd datrys y broblem.

"All y system statudol ddim ysgogi cariad a brwdfrydedd at y gair yn unig," meddai.

media captionCatrin Heledd yn holi Jon Gower wedi iddo ennill Gwobr Llyfr y Flwyddyn 2012

Dywedodd fod 'na gyfrifoldeb ar rieni yn ogystal ag athrawon.

"Fe ddylai rhieni wneud ymdrech i eistedd a darllen gyda'u plant yn gyson.

"Nid yn unig y mae llai yn darllen llyfrau ond y brif broblem yw na all rhai pobl ddarllen o gwbl.

"Mae hyn yn fwy o broblem mewn ardaloedd difreintiedig."

Straeon perthnasol

  • Jon Gower ar y brig