Apêl wedi 'marwolaeth amheus'

Mae Heddlu'r Gogledd yn apelio am wybodaeth wedi "marwolaeth amheus" nos Sadwrn.

Cafodd yr heddlu eu galw i Ffordd y Traeth, Prestatyn, Sir Ddinbych am 9.48pm, am fod rhywun yn poeni bod cerbydau yn cael eu gyrru'n 'afreolaidd'.

Wedi ffrae rhwng dyn 42 oed a phobl yn y cerbydau, fe wnaeth y dyn gwympo i'r llawr.

Galwyd ambiwlans ond bu farw yn y fan a'r lle.

Dylai unrhyw un â gwybodaeth am y digwyddiad gysylltu â'r heddlu ar 101.