Adnabod corff dyn gafwyd hyd iddo yn Afon Llwyd

Doedd neb wedi gweld Ronald Bowman ers iddo adael ysbyty ddiwedd mis Mehefin

Mae Heddlu Gwent wedi cadarnhau mai corff dyn fu ar goll ers bron i fis gafwyd hyd iddo mewn afon ddydd Sul.

Roedd arbenigwyr wedi cael eu defnyddio i chwilio am Ronald Bowman, 74 oed o Langstone, Casnewydd.

Roedd Mr Bowman yn ddiodde' o ddimensia.

Doedd neb wedi gweld Mr Bowman ers iddo adael Ysbyty Panteg, Griffithstown, Torfaen, am 5.45pm ddydd Gwener Mehefin 29.

Cafwyd hyd i'w gorff yn Afon Llwyd ger Croes-y-ceiliog, Cwmbrân.