Deifiwr yn mynd i drafferthion yn chwarel Dorothea

Chwarel Dorothea
Image caption Mae mwy na 20 o ddamweiniau marwol wedi bod yn y chwarel ers 1990

Aed â deifiwr 24 oed i siambr arbennig ysbyty preifat yng Ngilgwri wedi iddo fynd i drafferthion mewn hen chwarel yng Ngwynedd.

Hofrennydd Sea King y Llu Awyr aeth ag e wedi'r ddamwain yn Chwarel Dorothea yn Nyffryn Nantlle.

Y gred yw ei fod yn diodde symptomau parlys môr.

Mae'r chwarel tua 100 metr o ddyfnder ac yn atyniad poblogaidd er nad yw'n safle swyddogol.

Ers 1990 mae mwy na 20 o ddamweiniau marwol wedi bod yno.