Gareth Bale yn ôl yng ngêm gyfeillgar Cymru yn erbyn Bosnia-Hercegovina

Gareth Bale Image copyright Huw Evans picture agency
Image caption Fe fydd y gêm gyfeillgar yn erbyn Bosnia-Hercegovina ym Mharc y Scarlets ar Awst 15

Mae Gareth Bale yn y garfan ar gyfer gêm gyfeillgar Cymru yn erbyn Bosnia-Hercegovina yn Llanelli.

Oherwydd anaf i'w gefn ni chafodd chwaraewr rhyngwladol Cymru ei gynnwys yng ngharfan tîm pêl-droed Prydain ar gyfer y Gemau Olympaidd.

Ond chwaraeodd a sgorio gôl i'w dîm, Tottenham Hotspur, yn America bythefnos yn ôl.

Hefyd yn y garfan mae'r capten, Aaron Ramsey, Joe Allen, Craig Bellamy a Neil Taylor.

Mae Wayne Hennessey a David Vaughan wedi eu hanafu.

Yn ôl mae Joe Ledley, Jack Collison, James Collins a Darcy Blake ar ôl colli'r gêm yn erbyn Mecsico, ond does dim lle ar gyfer Rob Earnshaw na Danny Gabbidon.

Fe fydd y gêm gyfeillgar yn erbyn Bosnia-Hercegovina ym Mharc y Scarlets ar Awst 15 cyn i'r ymgyrch ar gyfer Cwpan y Byd ym Mrasil gychwyn fis Medi.

Carfan Cymru

Gôl-geidwaid: Jason Brown (Aberdeen), Boaz Myhill (West Bromwich Albion), Owain Fon Williams (Tranmere Rovers)

Amddiffynwyr: Darcy Blake (Caerdydd), James Collins (West Ham United), Chris Gunter (Reading), Adam Matthews (Celtic), Sam Ricketts (Bolton Wanderers), Neil Taylor (Abertawe), Ashley Williams (Abertawe)

Canol cae: Joe Allen (Abertawe), Jack Collison (West Ham United), Andrew Crofts (Brighton & Hove Albion), David Edwards (Wolverhampton Wanderers), Joe Ledley (Celtic), Aaron Ramsey (Arsenal), Gareth Bale (Tottenham Hotspur)

Blaenwyr: Craig Bellamy (Lerpwl), Simon Church (Reading), Steve Morison (Norwich City), Hal Robson-Kanu (Reading), Sam Vokes (Burnley).

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.