BBC Cymru Fyw

Gêm ddi-sgôr wrth i Gaerdydd deithio i Brighton

Published
image copyrightHuw Evans picture agency
image captionJordan Mutch dros Gaerdydd yn rhan o'r chwarae yn erbyn Brighton nos Fawrth

Brighton 0-0 Caerdydd

Gêm gyfartal ddi-sgôr gafodd Caerdydd nos Fawrth yn erbyn Brighton a hynny o ganlyniad i waith gwych y ddau gôl-geidwad.

Methu manteisio ar eu buddugoliaeth nos Wener wnaeth yr Adar Glas wrth deithio i'w gêm oddi cartref cyntaf y tymor a hynny i Stadiwm Amex.

Llwyddodd Tomasz Kuszczak a David Marshall i wneud arbedion gwych yn ystod y gêm, gêm wnaeth sicrhau pwynt cynta'r tymor i'r tîm cartref.

Ymdrech orau Kuszczak ar ran Brighton oedd arbediad dwbl wedi 77 munud i wadu gôl i Joe Mason a Etien Velikonja.

I Marshall, bu'n ymdrechu i gadw'r bêl o'r rhwyd gan ergydion Craig Mackail-Smith a Saltor Bruno.

Doedd 'na ddim newid yn y ddau dîm o'r 11 a gychwynnodd eu gemau cyntaf dros y penwythnos.

Roedd Gus Poyet a Malky Mackay wedi cadw ffydd yn eu chwaraewyr, er i Brighton golli oddi-cartref yn erbyn Hull o gôl i ddim ddydd Sadwrn a Chaerdydd yn ennill o'r un sgôr gartref yn erbyn Huddersfield nos Wener.

Cafwyd y dorf mwya' yn Stadiwm Amex nos Fawrth, 25,518.

Straeon perthnasol

  • Caerdydd 1-0 Huddersfield