7% o gynnydd i Admiral

Image copyright Other

Mae cwmni Admiral wedi cyhoeddi cynnydd o 7% mewn elw am chwe mis cyntaf 2012.

Dywed y cwmni yswiriant sydd a'i bencadlys yng Nghaerdydd fod y canlyniadau yn well na'r disgwyl ac yn golygu elw cyn treth o £171.8m yn hytrach na'r £167.7m roedd y marchnadoedd ariannol yn ei ddisgwyl.

Mae admiral, sydd hefyd a swyddfeydd yn Abertawe a Chasnewydd, yn cyflogi tua 5,500 o bobl.

Mae'r cwmni yn berchen ar Diamond, Confused.com a Elephant.co.uk a chredir bod y busnes yn gyfrifol am yswiriant un o bob 10 o geir ar lonydd Prydain.