Aur arall i Ellie Simmonds wrth i Liz Johnson orffen yn chweched

  • 3 Medi 2012
Ellie Simmonds Image copyright AP
Image caption Dyma oedd ail Fedal Aur Ellie Simmonds yn y Gemau

Mae Ellie Simmonds, sy'n hyfforddi yn Abertawe, wedi ennill ei hail fedal Aur o'r Gemau Paralympaidd.

Roedd hi'n wynebu Liz Johnson o Gasnewydd yn rownd derfynol y ras 200m unigol gymysg (SM6).

Fe wnaeth Simmonds dorri record byd wrth gipio'r Aur mewn amser o 3 munud 05.39 eiliad.

Gorffennodd Johnson yn chweched gydag amser o 3 munud 25.64 eiliad.

Natalie Waddon o Brydain oedd yn drydydd gyda Verena Schott o'r Almaen yn ail.

"Mae'n wych ennill a hynny yn y gemau cartref," meddai Simmonds.

"Dwi mor falch, dwi ddim yn gwybod be mae'r hyfforddwr wedi ei wneud i mi lwyddo cystal."

Straeon perthnasol