Casnewydd yn colli eu hail gêm yn olynnol yn erbyn Dartford
Image copyright
Other
Dartford 2-1 Casnewydd
Mae Casnewydd wedi colli eu hail gêm yn olynol a'r ail gêm yn olynol oddi-cartref.
Wedi colli yn erbyn Wrecsam ddydd Sadwrn teithiodd Yr Alltudion i Dartford nos Fawrth.
Y cefnwr Richard Rose wnaeth sicrhau'r fuddugoliaeth i'r tîm cartref gydag ergyd hwyr ym munudau olaf y gêm.
Fe wnaeth Harry Carawford ergydio'n gywir llai na phum munud wedi'r ail hanner i Dartford a hynny ar ôl i Jacob Erskine daro'r traws gyda pheniad.
Roedd ei beniad yn gosb i gamgymeriad amddiffynnol yr ymwelwyr.
Ond roedd Casnewydd wedi taro'n ôl o fewn pum munud wrth i Aaron O'Connor wyro heibio'r gôl geidwad Marcus Bettinelli.
Ond er ei bod wedi bod yn gyfartal tan y funud ola', llwyddodd Rose i fod yn ddraenen yn ystlys yr ymwelwyr a sicrhau tri phwynt i'r tîm cartref.
| TABL UWCHGYNGHRAIR BLUE SQUARE | |||
|---|---|---|---|
| Gemau | Gwahaniaeth Goliau | Pwyntiau | |
| 1. Forrest Green | 7 | 9 | 17 |
| 2. Luton | 7 | 8 | 16 |
| 3. CASNEWYDD | 7 | 6 | 15 |
| 4. Macclesfield | 7 | 4 | 15 |
| 5. WRECSAM | 7 | 5 | 14 |