Anaf i ddyn gafodd ei daro gan drên

Cafodd y dyn ei daro 500 llath o orsaf drenau Llanelli

Fe gafodd dyn anafiadau i'w ben wedi iddo gael ei daro gan drên ger Llanelli.

Nid yw'r digwyddiad yn cael ei drin fel un amheus, ac fe ddigwyddodd am 8:40am fore Sadwrn 500 llath o orsaf drenau Llanelli.

Dywedodd Heddlu Trafnidiaeth Prydain nad ydyn nhw'n credu bod anafiadau'r dyn yn debyg o fod yn angheuol.

Dywedodd Trenau Arriva Cymru bod y ddwy lein yn y cyffiniau wedi eu cau, ac mae teithwyr yn cael eu cludo ar hyd y ffyrdd rhwng Caerfyrddin ac Abertawe.

Ychwanegodd y cwmni mai'r gwasanaeth 0815 o Abertawe i Gaerfyrddin oedd y trên dan sylw.

Cafodd parafeddygon a Heddlu Dyfed Powys eu galw i'r safle.