BBC Cymru Fyw

Y Gweilch 30-15 Munster

Published
image copyrightHuw Evans picture agency
image captionRichard Fussell yn croesi am gais i'r Gweilch

Chwaraeodd Richard Hibbard ei 100fed gêm i'r Gweich yn erbyn Munster.

Fe ddathlodd gyda chais mewn gêm yr oedd y tîm cartref yn haeddu ei hennill.

Richard Fussell sgoriodd gais cyntaf y gêm wrth i'r tîm cartref ddominyddu yn y blaen.

Cafodd Y tîm cartref gais cosb cyn y trydydd gan Hibbard.

Roedd cicio Dan Biggar yn berffaith wrth iddo drosi pob un o'r ceisiadau.

Llwyddodd hefyd i gicio pedair cic gosb.

Fe gymhlethodd bryderon yr ymwelwyr yn hwyr yn y gêm.

Roedd pethau yn dechrau troi iddyn nhw pan gafodd Tommy O'Donnell ei anfon i'r gell cosb cyn i Damien Varley gael ei anfon oddi ar y cae.

Dyma oedd buddugoliaeth cartref cyntaf y Gweilch y tymor yma, a'r pedwerydd yn olynol yn erbyn y tîm o Iwerddon.

Methodd y Gweilch a sgorio'r pedwerydd cais a fyddai wedi sicrhau pwynt bonws iddyn nhw.

Ond maen nhw bellach yn y nawfed safle yn y tabl.

Dolenni perthnasol ar y we

  • Undeb Rygbi Cymru (Saesneg)

Dyw'r BBC ddim yn gyfrifol am gynnwys gwefannau allanol