Ipswich 1-2 Caerdydd
Image copyright
Huw Evans picture agency
Mae Caerdydd nôl ar frig y bencampwriaeth ar ôl maeddu Ipswich mewn gêm gystadleuol iawn.
Aeth Ipswich ar y blaen oherwydd gôl ddadleuol gan DJ Campbell, oherwydd fe ddefnyddiodd ei law i lywio'r bêl i'r rhwyd eiliadau cyn yr egwyl, ond methodd y swyddogion â gweld hynny.
Y tîm cartref oedd yn rheoli tan i'r gôl-geidwad Scott Loach ollwng croesiad Craig Conway ac fe fanteisiodd Heidar Helguson o flaen y gôl wedi 62 munud.
Gyda dau funud i fynd, roedd amddiffyn bregus Ipswich ar fai gyda chamddealltwriaeth rhwng yr amddiffynwyr a'r gôl-geidwad ac roedd Helguson yno i benio croesiad Andrew Taylor i'r rhwyd.
Mae Ipswich nawr un o waelod y tabl, gyda phwynt yn fwy na Peterborough.
| TABL Y BENCAMPWRIAETH | |||
|---|---|---|---|
| GEMAU | GWAHANIAETH GOLIAU | PWYNTIAU | |
| 1.CAERDYDD | 10 | 8 | 22 |
| 2. Caerlyr | 10 | 8 | 21 |
| 3. Wolves | 10 | 5 | 19 |
| 4. Crystal Palace | 10 | 1 | 19 |
| 5. Brighton | 10 | 9 | 18 |
| 6. Huddersfield | 10 | 4 | 17 |