Enw ar Twitter: Arestio dau

Image copyright Other

Image caption Cafodd Ched Evans ei garcharu am bum mlynedd am dreisio

Mae'r heddlu wedi arestio dau wedi i enw menyw yr oedd y pêl-droediwr Ched Evans wedi ei threisio gael ei gyhoeddi ar wefan Twitter.

Y ddau yw Benjamin Davies, 27 oed o'r Rhyl a Michael Ashton, 21 oed o Landdulas yn Sir Conwy.

Byddan nhw ar fechnïaeth tan Dachwedd.

Cafodd Dominic Green, 23 oed o'r Rhyl, ac Alexandra Hewitt, 24 oed o Frychdyn, eu cyhuddo ddydd Llun.

Bydd y pedwar gerbron Ynadon Prestatyn ar Dachwedd 5.

Hyd yn hyn mae o leia 17 wedi eu harestio wedi i enw'r fenyw gael ei gyhoeddi ar wefan Twitter.

Yn Ebrill cafodd cyn ymosodwr 23 oed Sheffield United a Chymru ei garcharu am bum mlynedd am dreisio'r fenyw 19 oed mewn gwesty yn Rhuddlan.