Dau yn yr ysbyty wedi damwain ym Mhowys

Mae dau o bobl wedi cael eu cludo i'r ysbyty ar ôl damwain ym Mhowys.

Mae 'na dagfeydd o ganlyniad i'r ddamwain rhwng dau gar ym mhentref Pool Quay, ger Y Trallwng, ar yr A483 toc wedi 6.57am ddydd Mercher.

Bu'n rhaid cau'r ffordd rhwng Tal-y-Bont ac Arddlîn.

Cafodd traffig i'r gogledd ei ddargyfeirio ar ffordd yr A458 a thua'r de ar ffordd y B4392.

Fe wnaeth aelodau o'r gwasanaeth tân ryddhau un person o un o'r cerbydau.

Cafodd y person arall driniaeth ocsigen ar y safle.