Uned newydd yn cael ei hagor yn Ysbyty Glangwili

Mae uned asesu newydd sy'n costio £8.8 miliwn wedi ei hagor yn Ysbyty Gorllewin Cymru yng Nghaerfyrddin.

Nod yr uned yw gwella'r drefn mynediad i'r ysbyty a chefnogi meddygon teulu.

Bydd meddygon teulu yn cyfeirio cleifion at yr uned newydd.

Dywedodd Trevor Purt, Prif Weithredwr Bwrdd Iechyd Hywel Dda, y byddai'r uned yn gwella gofal cleifion.

"Mae'r uned yn allweddol er mwyn sicrhau fod cleifion yn cael mynediad mwy hwylus ar gyfer achlysuron dirybudd.

"Fe fydd o hefyd yn cefnogi ein staff wrth iddyn nhw ddarparu gwasanaeth o safon."

Mae'r uned yn cynnwys 10 gwely mewn ystafelloedd unigol ac en-stite.