Y Gweilch 26-9 Connacht

Eli Walker yn sgorio am gais cyntaf y Gweilch

Y Gweilch 26-9 Connacht

Cafodd y Gweilch fuddugoliaeth am y pedwerydd tro o'r bron yng nghynghrair y Pro12 yn erbyn Connacht.

Cafodd y pencampwyr bwynt bonws ddydd Sadwrn wrth iddyn nhw geisio dal eu gafael ar y gynghrair.

Yr asgellwr Eli Walker gafodd y pwyntiau cyntaf gyda chais cyn i Justin Tipuric groesi.

Fe wnaeth Jonathan Thomas ryng-gipio pas gan Dan Parks i gael trydydd cais y tîm cartref.

Roedd meddwl cyflym Kahn Fotuali'i yn sicrhau'r pwynt bonws i'r tîm o Gymru.

Fe ychwanegodd Dan Biggar chwe phwynt gyda throsiadau ond methodd y maswr dibynadwy gyda throsiad a chic gosb.

Parks gafodd holl bwyntiau'r ymwelwyr, tair cic gosb.