Leinster 59-22 Gleision

Cyhoeddwyd
Ffynhonnell y llun, Inpho
Disgrifiad o’r llun,
Cafodd Brian O'Driscoll anaf yn ystod y gêm yn erbyn y Gleision

Leinster 59-22 Gleision

Colli oedd hanes Y Gleision yn erbyn Leinster yn Nulyn nos Sadwrn yn y Pro12.

Er eu buddugoliaeth roedd 'na ergyd i'r Gwyddelod wrth i Brian O'Driscoll gael ei orfodi i adael y cae gydag anaf i'w ffêr.

Does dim disgwyl iddo fod yn holliach ar gyfer gemau Iwerddon dros y mis nesaf.

Roedd Leinster yn dominyddu'r gêm gyda'r sgôr ar yr hanner yn 40-3.

Cafwyd ceisiadau i'r tîm cartref gan Richard Strauss, Ian Madigan, dau i Jamie Heaslip, Dave Kearney a Cian Healy.

Yn yr ail hanner fe wnaeth Alex Cuthbert, Leigh Halfpenny a Tom James ymateb yn yr ail hanner gyda cheisiau i'r Gleision.

Ychwanegodd Jordi Murphy, Damian Browne a Fionn Carr dri chais arall i'r tîm cartref.

Er bod yr enwau mawr gan Leinster does 'na ddim esgus am ddiffyg y Gleision yn yr hanner cyntaf.

Ond fe ddaeth cyfle'r ymwelwyr wrth i lefel perfformiad y tîm cartref lusgo.

Straeon perthnasol

Dolenni perthnasol ar y we

Dyw'r BBC ddim yn gyfrifol am gynnwys gwefannau allanol