Achub cerddwyr a dringwyr

Cafodd pedwar o fyfyrwyr eu hachub oddi ar Tryfan

Fe gafodd nifer o gerddwyr a dringwyr eu hachub yn Eryri mewn tywydd gwael.

Cafodd Tîm Achub Mynydd Ogwen eu galw i helpu pedwar o fyfyrwyr wrth ddringo ar greigiau Tryfan.

Penderfynodd y tîm achub oherwydd eira a tharanau nad oedd yn ddiogel i ddefnyddio rhaffau i ddod a'r myfyrwyr lawr

Yn y diwedd bu'n rhaid cael cymorth hofrennydd yr RAF i'w codi oddi ar y crieigiau yn oriau man bore Sul.

Cafodd y tîm achub hefyd eu galw i gynorthwyo dau ddyn o Essex oedd wedi mynd ar goll yn yr eira yn ardal Cwm Idwal

A chafodd menyw 19 oed ei hedfan i'r ysbyty mewn hofrennydd ar ôl anafu ei ffêr ar un o fynyddoedd y Glyderau ger Bethesda.