Rhyddhau dyn o reiliau yn Llandrindod

Bu diffoddwyr tân wrthi am awr yn rhyddhau dyn o reiliau yn dilyn damwain yn Llandrindod, Powys yn oriau mân bore Mercher.

Fe wnaeth y dyn syrthio ar y ffens metal ar Ffordd Beaufort ychydig wedi hanner nos.

Fe aeth un o'r rheiliau trwy ei goes.

Cafodd gymorth parafeddyg nad oedd ar ddyletswydd.

Yna fe wnaeth dau griw o ddiffoddwyr tân o Landrindod ddefnyddio offer hydrolig a bag awyr i'w ryddhau.

Ar ôl ychydig dros awr llwyddwyd i'w gael yn rhydd ac aed ag ef i Ysbyty Neville Hall yn y Fenni.