Achos Bala: Dyn yn y ddalfa

Stryd Plasse
Image caption Cafodd y stryd ei chau gan yr heddlu wedi'r llofruddiaeth

Mae dyn wedi ei gyhuddo o lofruddiaeth yn Y Bala ddydd Sadwrn wedi bod gerbron Ynadon Caernarfon fore Mercher.

Cafodd Julius Hecko, 23 oed o Slofacia, ei gyhuddo o lofruddio Branislav Gula, 42 oed o'r un wlad, yn Heol Plasse, Y Bala, ddydd Sadwrn.

Nid oedd cais am fechnïaeth a bydd yn y ddalfa tan Ionawr 7.

Mae pedwar arall gafodd eu harestio ar amheuaeth o gynorthwyo troseddwr wedi eu rhyddhau ar fechnïaeth.

Dywedodd y Ditectif Brif Arolygydd Andrew Williams, sy'n arwain yr ymchwiliad: "Er ein bod wedi cyhuddo dyn o lofruddiaeth, mae ein hymchwiliad yn parhau.

"Hoffwn apelio at unrhyw un yn y gymuned oedd yn dyst i'r hyn arweiniodd at y digwyddiad neu unrhyw un sy'n gallu ein helpu i greu darlun cyflawn ffonio'r heddlu ar 101."

Fe all pobl hefyd ffonio Taclo'r Tacle yn ddienw ar 0800 555111.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.