Arsenal 0-2 Abertawe

Michu
Image caption Michu sgoriodd ei nawfed a'i ddegfed gôl y tymor hwn.

Arsenal 0-2 Abertawe

Mae cefnogwyr yr Elyrch wedi dechrau arfer gyda chanlyniadau campus tîm Michael Laudrup.

Ond roedd y fuddugoliaeth yn Stadiwm Emirates ddim yn annisgwyl o weld y perfformiad, ac mae'n codi Abertawe i'r seithfed safle yn y tabl.

Y Sbaenwr Michu oedd yr arwr unwaith eto. Dwy gôl iddo yntau - ei nawfed a degfed yn y cynghrair y tymor hwn - ac fe allai Abertawe fod wedi cael mwy.

Abertawe gafodd mwyafrif y meddiant, mwy o ergydion at y gôl a'r symudiadau gorau.

Er hynny roedd rhaid aros tan y munudau olaf i weld ffrwyth eu llafur.

Luke Moore greodd y gyntaf i Michu wedi 88 munud.

A chyn i gefnogwyr Arsenal gael eu gwynt atynt, roedd y Sbaenwr wedi ychwanegu ail yn yr amser ychwanegwyd am anafiadau.

Fe fydd cefnogwyr Abertawe yn dechrau breuddwydio am le yng nghystadlaethau Ewrop y tymor nesaf.

TABL UWCHGYNGHRAIR LLOEGR
Gemau Gwahaniaeth Goliau Pwyntiau
1. Man City 15 17 33
2. Man United 14 15 33
3. Chelsea 15 9 26
4. Tottenham 15 5 26
5. West Brom 14 5 26
7. ABERTAWE 15 6 23

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.