Norofirws mewn pum ysbyty

Gronynnau Norofirws Image copyright SPL
Image caption Mae 31 o gleifion wedi eu heintio gan y firws

Mae'r salwch stumog norofirws bellach yn effeithio ar bump o ysbytai gogledd Cymru.

Mae 38 o gleifion wedi eu heintio ar 11 ward yn Ysbyty Maelor Wrecsam, Ysbyty Gwynedd, ac ysbytai Glan Clwyd, Bae Colwyn a Dolgellau.

Mae Bwrdd Iechyd Prifysgol Betsi Cadwaladr yn gofyn i ymwelwyr i gadw draw os ydyn nhw wedi dangos symptomau o'r cyflwr dros y deuddydd diwethaf.

Mae Norofirws, sy'n lledu oherwydd cysylltiad â pherson neu wrthrych wedi ei heintio, yn effeithio ar hyd at filiwn o bobl y flwyddyn ym Mhrydain.

Mae norofirws yn heintus dros ben ac yn achosi cyfog, chwydu a'r dolur rhydd.

Mae'r symptomau yn dechrau rhwng 12 a 48 awr wedi i'r person gael eu heintio, ac yn para am rhwng 12 a 60 awr.

Golchi'r dwylo yw'r ffordd orau i atal lledu'r firws.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.