Telford 0-2 Wrecsam

Roedd Danny Wright yn allweddol

Dechreuodd Wrecsam y flwyddyn newydd yn argyhoeddiadol gyda buddugoliaeth bwysig oddi cartref yn Telford yng nghynghrair Blue Square.

Y Dreigiau aeth ar y blaen wedi 24 munud wrth i Danny Wright rwydo gydag ergyd i'r gornel dde isaf wrth i gyflymdra a ffitrwydd yr ymwelwyr greu bylchau.

Daeth Adrian Cieslewicz ymlaen fel eilydd yn yr ail hanner gan sgorio wedi 85 munud gyda pheniad ar ôl i Nick Rushton greu'r cyfle iddo i selio'r fuddugoliaeth.

Fe wnaeth y perfformiad adleisio'r fuddugoliaeth gyfforddus o 4-1 yn erbyn Telford ar y Cae Ras Ddydd San Steffan.