Fletcher yn cael ei ddiswyddo

Cyhoeddwyd
Ffynhonnell y llun, Getty Images
Disgrifiad o’r llun,
Enillodd 36 cap dros ei wlad gan sgorio un gôl

Mae'r Cymro Carl Fletcher wedi cael ei ddiswyddo gan Glwb Pêl-droed Plymouth Argyle ar ôl 16 mis yn rheolwr y clwb yn yr ail adran.

Bu cyn chwaraewr canol cae Cymru, 32 oed, wrth y llyw ers Medi 2011 pan gafodd Peter Reid ei ddiswyddo.

Collodd Fletcher ei swydd ar ôl i Argyle golli 2-1 gartref yn erbyn Bristol Rovers ar Ddydd Calan, gan eu gadael yng ngwaelodion y tabl.

Dywedodd wrth y BBC: "Er fy mod i'n rheolwr ifanc, dwi'n gwybod os nad ydych yn ennill gemau, dydych chi ddim yn cadw eich swydd.

"Yn amlwg, mae'n siomedig bod pethau wedi dod i ben fel hyn, ond fel 'na mae pêl-droed.

"Dwi wedi dysgu cryn dipyn".

Fe ddechreuodd ei yrfa fel chwaraewr gyda Bournemouth yn 1997 cyn symud ymlaen i chwarae i West Ham United, Watford, Crystal Palace, Nottingham Forest a Plymouth.

Enillodd 36 cap dros ei wlad gan sgorio un gôl.