Tân Prestatyn: Menyw 43 oed yn y ddalfa

Lee-Anne Shiers, Charlie Timbrell, Skye Allen, Bailey Allen Image copyright North Wales Police
Image caption Lee-Anna Shiers, 20, ei mab 15 mis Charlie Timbrell, nith Skye, dwy oed, a'i nai Bailey Allen, pedair oed

Yn Llys y Goron Caernarfon mae menyw 43 oed wedi gwadu pum cyhuddiad o lofruddiaeth.

Cafodd Melanie Jane Smith o Brestatyn ei chyhuddo o gynnau tân yn fwriadol, tân arweiniodd at farwolaeth cwpwl ifanc a thri o blant ym Mhrestatyn ym mis Hydref.

Bu farw Liam Timbrell, 23 oed, ei bartner Lee-Anna Shiers, 20 oed, a'u mab Charlie oedd yn 15 mis oed yn ogystal â nai a nith Lee-Anna - Skye a Bailey Allen, dwy a phedair oed.

Roedd Melanie Jane Smith yn ymddangos ar gyswllt fideo o'r carchar.

Gorchmynnodd y Barnwr Merfyn Hughes QC y dylai gael ei chadw yn y ddalfa tan y gwrandawiad nesaf ar Fawrth 18 a disgwylir i'r achos yn ei herbyn ddigwydd yn ystod mis Ebrill.

Roedd y diffynnydd hefyd yn gwadu cyhuddiad arall o fygwth rhoi tŷ ar dân ym mis Medi'r llynedd.

Straeon perthnasol