Arglwydd Williams o Ystumllwynarth

Cafodd Dr Rowan Williams ei dderbyn yn ôl i Dŷ'r Arglwyddi ddydd Mawrth

Mae Dr Rowan Williams, cyn Archesgob Caergaint, wedi cael ei dderbyn yn ôl yn swyddogol i Dŷ'r Arglwyddi.

Cafodd Dr Williams, 61, ei gyflwyno fel yr Arglwydd Williams o Ystumllwynarth.

Roedd eisoes wedi eistedd fel un o'r Arglwyddi Ysbrydol, 26 o Esgobion Eglwys Lloegr sydd â sedd yn Nhŷ'r Arglwyddi.

Derbyniodd urddolaeth am oes wedi ei ymddeoliad fel Archesgob Caergaint ar ôl 10 mlynedd yn y swydd.

Penderfynodd ildio'r awenau ar ddiwedd 2012 er mwyn ymgymryd â swydd fel Meistr Coleg Madlen, Prifysgol Caergrawnt.

Yn fab i beiriannydd mwyngloddio, cafodd Rowan Williams ei eni yn Abertawe yn 1950 a chafodd ei addysg yn Ysgol Uwchradd Dinefwr ynghanol y ddinas.