Brian Flynn i reoli Doncaster Rovers

Bydd Flynn wrth y llyw gyda Rovers tan ddiwedd y tymor

Brian Flynn yw rheolwr newydd Doncaster Rovers.

Cafodd cyn-reolwr Wrecsam a Chymru dan 21 oed ei benodi i ofalu am y tîm tan ddiwedd y tymor ddydd Iau.

Flynn a'r capten Rob Jones, 33 oed, oedd wrth y llyw dros dro ar ôl i Dean Saunders adael Wolverhampton Wanderers.

Bydd Flynn yn dal i gael cefnogaeth Jones sy'n chwaraewr-hyfforddwr gyda'r clwb o'r Adran Gyntaf.

Cafodd Flynn, 57 oed, ddau gyfnod gyda Rovers fel chwaraewr.

Dydi o ddim wedi rheoli tîm ers gadael Abertawe yn 2004.

Yn gynharach dywedodd Flynn ei fod wedi "mwynhau'r bythefnos ddiwethaf".

"Mae 'na dîm da a hyderus yma sydd eisiau ennill pob gêm."

Mae Rovers yn ail yn yr adran a phedwar pwynt ar y blaen i Brentford sy'n drydydd.

Fe fyddan nhw'n wynebu Leyton Orient ddydd Sadwrn.