Ysgolion: Ceisio atal gordewdra

Bwyd ysgol Image copyright PA
Image caption A ddylai plant aros o fewn ffiniau'r ysgol yn ystod yr awr ginio?

Mae prif swyddog meddygol Cymru wedi awgrymu y dylid gwahardd busnesau sy'n darparu bwydydd cyflym rhag cael eu lleoli wrth ymyl ysgolion.

Dywed Dr Ruth Hussey y gallai cadw plant o fewn ffiniau'r ysgol yn ystod amser cinio a hefyd darparu bwydydd iach fod yn ffordd o fynd i'r afael â phroblem gordewdra.

Yn ôl ffigyrau swyddogol mae 35% o blant Cymru yn rhy dew, gyda 19% yn ordew.

Mae Llywodraeth Cymru yn ystyried a fyddai deddfwriaeth yn helpu taclo'r broblem, ynghyd â phroblemau ysmygu ac yfed alcohol.

Dywedodd llefarydd ar ran Llywodraeth Cymru fod Dr Hussey yn ceisio annog trafodaeth ac nad oedd yna unrhyw gynigion penodol ynglŷn â gosod pellter penodol ar gyfer busnesau bwydydd cyflym o fuarth yr ysgol.

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.