Damwain: Dyn yn yr ysbyty

Bu'n rhaid i ddyn gael ei dorri'n rhydd o gar oherwydd damwain yn ardal Llysfaen, Caerdydd, ddydd Llun.

Digwyddodd y ddamwain ar Heol Llaneirwg am 11:42am ac aed â'r dyn i Ysbyty Athrofaol Caerdydd mewn hofrennydd.

Dywedodd Gwasanaeth Tân ac Achub De Cymru fod y car wedi troi drosodd.

Cafodd dau griw o ddiffoddwyr o Drelai ac un criw o'r Eglwys Newydd eu galw.