Cwpan LV: Y Gleision yn cael eu trechu yn erbyn Saracens

Cwpan LV: Saracens 19-11 Gleision

Nils Mordt wnaeth lwyddo gyda'i gicio i roi buddugoliaeth i Saracens yn erbyn Gleision Caerdydd yng Nghwpan LV ym Mharc Allianz.

Llwyddodd i sgorio 14 o'r 19 pwynt gafodd ei dîm, James Short gafodd unig gais y tîm cartref.

Robin Copeland gafodd unig gais y Gleision wrth i Ceri Sweeney a Gareth Davies gael gweddill pwyntiau'r ymwelwyr.

Dyma oedd gêm gyntaf y Saracens ar dir artiffisial yn eu cartref newydd.