Awyren yn gorfod glanio ar frys yng Nghaerdydd

Bu'n rhaid i awyren lanio ar frys ym Maes Awyr Caerdydd fore dydd Llun oherwydd nam technegol.

Daeth i'r amlwg fod rhywbeth o'i le tua 10:43am a glaniodd yr awyren am 10:48am.

Cafodd timau gweithredol a chriwiau tân eu galw i'r digwyddiad ond doedd yna ddim nam ar yr awyren a chafodd pob un o'r 138 o deithwyr eu cludo oddi arni'n ddiogel.

Cafodd awyrennau eraill eu hatal rhag cychwyn o, neu lanio yn y maes awyr wrth i'r awyren BA lanio yng Nghaerdydd.

Roedd yr awyren Boeing 747, hediad BA196, ar ei ffordd o Houston yn yr Unol Daleithiau i faes awyr Heathrow yn Llundain.

Penderfynodd y peilot ddargyfeirio'r daith wedi i nam technegol gael ei gofnodi ar banel rheoli'r awyren.

Mae peirianwyr nawr yn asesu i weld beth yn union aeth o'i le.