Pro12: Noson gymysg i'r rhanbarthau

Buddugoliaeth i'r Gleision ym Murrayfield

Caeredin 16-17 Y Gleision

Roedd y fuddugoliaeth i'r Gleision ym Murrayfield yn golygu mai dyma bumed colled Caeredin yn olynol yn y Pro12.

Cais gan Mike Paterson helpodd y Gleision i arwain 14-6 ar yr egwyl.

Croesodd WP Nel dros Gaeredin ar ôl yr egwyl ac fe roddodd giciau Gregor Hunter a Harry Leonard eu tim ar y blaen.

Ond pan giciodd Rhys Patchell ei bedwaredd cic gosb, fe sicrhaedd y fuddugoliaeth i'r Gleision.

Dreigiau 3-60 Glasgow

Sgoriodd Glasgow wyth cais wrth chwalu'r Dreigiau yn Rodney Parade.

Croesodd Mark Bennett, Niko Matalawu a Alex Dunbar yn yr hanner cyntaf, a Taylor Paris, Josh Strauss, Scott White a Tim Swinson (2) yn yr ail.

Trosodd Duncan Weir bum gwaith gan hefyd lwyddo gyda dwy gic gosb.

Un gic gosb gan Tom Prydie oedd unig sgôr y Dreigiau. Hon oedd eu colled fwyaf erioed yn y gynghrair.

Connacht 22-10 Y Gweilch

Daeth siom i'r pencampwyr, Y Gweilch, yn yr Iwerddon.

Faloon sgoriodd gais y Gweilch gyad throsiad, cic gosb a chic adlam gan Parks.

Daeth pwyntiau'r Gweilch o gais gan Fotuali'i a throsiad a chic gosb gan Matthew Morgan.