Yr heddlu am holi dyn yn dilyn mosodiad ar Rhys ap William

Rhys ap William fel Cai yn Pobol y Cwm
Image caption Cafodd Rhys ap William - oedd yn chwarae rhan Cai yn Pobol y Cwm - anafiadau yn oriau mân bore Sul

Mae'r heddlu sy'n ymchwilio wedi i actor gael ei anafu'n ddifrifol wedi rhyddhau llun o ddyn maen nhw'n awyddus i siarad â fo.

Mae Rhys ap William, 37 oed, yn gwella ar ôl ymosodiad y tu allan i dafarn yng Nghaerdydd yn ystod oriau man bore Sul.

Yn ôl yr heddlu, fe gafodd yr actor ei ddarganfod gydag anafiadau difrifol i'w ben y tu allan i dafarn yr Admiral Napier ar Heol Ddwyreiniol Y Bont-faen yn Nhreganna, tua 0.19am.

Image copyright Heddlu De Cymru
Image caption Mae'r heddlu'n awyddus i siarad gyda'r dyn yma a welwyd ger y dafarn

Mae'r heddlu yn parhau i ymchwilio i adroddiadau am y digwyddiad ac yn apelio am dystion.

Maen nhw'n awyddus i glywed gan unrhyw un oedd yng nghyffiniau bwyty Miss Millies gan gynnwys dyn gyda gwallt coch.

Mae'r actor yn adnabyddus fel cymeriad Cai Rossiter yn Pobol y Cwm.

Yn ddiweddar bu yn y gyfres Indian Doctor ac Alys.

Os oes gan unrhyw un wybodaeth fe ddylen nhw gysylltu ar 029 2057 1545 neu Taclo'r Tacle ar 0800 555 111.

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.