BBC Cymru Fyw

Gohirio gêm Casnewydd yn erbyn Gateshead

Published

Mae gêm Casnewydd yn erbyn Gateshead nos Fawrth yn Uwchgynghrair Blue Square yn Stadiwm Rhyngwladol Gateshead wedi ei gohirio.

Fe gafodd y penderfyniad ei wneud ddydd Llun gan fod y maes wedi ei orchuddio gydag eira.

Mae 'na rannau o'r maes hefyd o dan ddŵr.

Yn ôl swyddogion does dim modd chwarae ar y maes.

Mae disgwyl i ddyddiad newydd gael ei gyhoeddi cyn gynted â phosib.