Uwchgynghrair Blue Square

Wrecsam 1-1 Alfreton

Mae Wrecsam yn parhau ar frig Uwchgynghrair Blue Square, ond ar wahaniaeth goliau yn unig ar ôl gêm gyfartal yn erbyn Alfreton.

Y Dreigiau aeth ar y blaen wedi 8 munud gyda gôl gelfydd Kevin Thornton, ond yr ymwelwyr oedd yn meistroli yn y gêm hon, ac yn haeddiannol felly fe ddaeth Scott Boden â nhw'n gyfartal.

Hyde 0- 1 Casnewydd

Mae Casnewydd nawr wedi ennill pum gêm yn olynol, ar ôl i Christian Jolley ergydio i'r rhwyd o 25 llath wedi 10 munud.

Maen nhw wedi torri'r bwlch ar frig y gynghrair i dri phwynt.