Cytundeb newydd i fewnwr y Gweilch

  • 5 Mawrth 2013
Rhys Webb Image copyright Huw Evans picture agency
Image caption Mae Rhys Webb wedi ennill tri chap dros Gymru

Mae mewnwr rhyngwladol Cymru Rhys Webb wedi arwyddo cytundeb newydd gyda'r Gweilch.

Bydd y cytundeb newydd yn cadw Webb gyda'r rhanbarth am dair blynedd arall tan 2016.

Mae'r chwaraewr 24 oed wedi ennill tri chap i Gymru gan chwarae yn erbyn Yr Eidal ym Mhencampwriaeth y Chwe Gwlad y tymor diwethaf.

Roedd hefyd yn aelod o garfan fuddugol Cymru ym Mhencampwriaeth 7-bob-ochr y byd yn 2009.

Dywedodd Webb: "Rwyf wrth fy modd.

"Mae'n wych medru ymrwymo i dair blynedd arall gyda fy rhanbarth cartref. Mae yna awyrgylch gwych yma - yr unig le yr wyf am chwarae rygbi."