Dartford 2-1 Wrecsam

Dartford 2-1 Wrecsam

Mae rhediad diguro'r Dreigiau wedi dod i ben ond maen nhw'n dal ar frig y tabl.

Roedden nhw wedi teithio i Gaint heb golli 13 o gemau.

Cafodd y gêm hon ei gohirio nos Wener am fod y cae o dan ddŵr.

Aeth y Cymry ar y blaen pan sgoriodd Danny Wright o 15 llath, ei 16fed gôl y tymor hwn.

Roedd perfformiad Dartford yn well yn yr ail hanner a sgoriodd yr eilydd Jack Evans pan oedd 16 munud yn weddill.

Peniad Elliot Bradbrook i'r tîm cartre yn ystod amser ychwanegol oedd yr hoelen yn yr arch. Siom fawr i Wrecsam.