Lincoln 1-2 Wrecsam

Cafodd gêm Wrecsam oddi cartref yn erbyn Lincoln nos Fawrth ei chynnal er roedd 'na amheuaeth am gyflwr y cae yn Sincil Bank oherwydd y tywydd gaeafol.

Ond wedi archwiliad o'r cae fore Mawrth daeth cadarnhad y byddai'r gêm yn mynd yn ei blaen a rheolwr y Dreigiau, Andy Morrell, yn cael ei ddymuniad.

Roedd wedi gobeithio na fyddai'r gêm yn cael ei gohirio gan y byddai wedyn yn golygu dod o hyd i gyfle i chwarae mewn amserlen sydd eisoes yn dynn.

Ac fe gafodd ei blesio ymhellach wedi i Wrecsam frwydro yn ôl o fod ar ei hol hi i gipio'r triphwynt.

Gôl i'w rwyd ei hun gan Chris Westwood yn yr hanner cyntaf olygodd fod Wrecsam ar ei hol hi, ond yn yr ail hanner sicrhawyd y fuddugoliaeth trwy goliau Brett Ormerod a Dele Adebola.

"Mae'n bwysig ein bod yn taro'n ôl," meddai Andy Morrellar ôl iddyn nhw golli oddi cartref yn Dartford. Dyna a wnaed.

TABL UWCHGYNGHRAIR BLUE SQUARE
Gemau Gwahaniaeth Goliau Pwyntiau
1. WRECSAM 37 33 71
2. Mansfield 36 27 71
3. Kidderminster 37 26 68
4. CASNEWYDD 34 21 66
5. Grimsby 35 26 64

Straeon perthnasol

Cysylltiadau Rhyngrwyd

Dyw'r BBC ddim yn gyfrifol am safleoedd rhyngrwyd allanol.