Uwchgynghrair

Seintiau Newydd 6-0 Bangor

Lido Afan v Y Drenewydd (wedi gohirio)

Airbus UK 2-0 Port Talbot

Caerfyrddin 3-2 Prestatyn

Llanelli 4-3 Aberystwyth

Fe wnaeth y Seintiau Newydd gryfhau eu safle ar frig yr adran drwy roi cweir i Fangor, y tîm oedd yn ail yn yr uwchgynghrair.

Roedd yna hatric i Alex Darlington, gyda Mike Wilde yn sgorio dwy a Matthew Williams yn cwblhau'r sgorio.

Fe symudodd Airbus i'r ail safle ar ôl curo Port Talbot 2-0.

Oherwydd glaw trwm bu'n rhaid rhoi'r gorau i'r gêm rhwng Lido Afan a'r Drenewydd.

Roedd yna saith gol ar barc Stebonheath wrth i Lanelli guro Abertyswth a chau'r bwlch ar waelodion yr uwchgynghrair.

Fe wnaeth Caerfyrddin sicrhau tri phwynt gyda buddugoliaeth gartref yn erbyn Prestatyn. Corey Thomas, Liam McCreesh a Casey Thomas sgoriodd i'r tîm cartref.

Nos Wener

Cei Connah 0-5 Y Bala