Dathlu buddugoliaeth Cymru yn erbyn Lloegr yn Stadiwm y Mileniwm

Cyhoeddwyd
ffynhonnell y llunAP

Trannoeth y fuddugoliaeth ysgubol yn erbyn Lloegr ac roedd gan asgellwr Cymru George North gwmni anarferol i frecwast yng Nghaerdydd.

Cafodd y llun hwn ei drydar ganddo fore Sul.

ffynhonnell y llunTwitter
disgrifiad o’r llunGeorge North yn mwynhau ei frecwast yng nghwmni tlws y Bencampwriaeth.

Llun arall i gael cryn ymateb ar wefan Twitter oedd un o sylwebyddion teledu yn syth ar ôl y canlyniad.

Mae'n dangos wynebau digon llwm ar John Inverdale, Clive Woodward a Jeremy Guscott - ond ar y llaw arall mae y cyn chwaraewr rhyngwladol Jonathan Davies yn wen o glust i glust.

Roedd y wen yn gydnabyddiaeth o fuddugoliaeth 0 30-3 yn erbyn Lloegr.

Buddugoliaeth ysgubol, gyda Alex Cuthbert yn sgorio dau gais.

Hon oedd y fuddugoliaeth fwyaf i Gymru yn erbyn Lloegr.

Daeth gweddill pwyntiau Cymru o Leigh Halfpenny, pedair cic gosb, ac wyth pwynt o droed Dan Biggar.

Cymru oedd ar y blaen ar yr egwyl 9-3 ond roedd Lloegr dal yn y gêm.

disgrifiadSylwadau'r bachwr Ken Owens

Yn yr ail hanner, roedd Cymru ben ac ysgwydd uwchben Lloegr.

Mae'r canlyniad yn golygu fod Cymru wedi ennill eu pedair gem ddiwethaf yn y bencampwriaeth ar ôl colli yn y gêm agoriadol yn erbyn Iwerddon.

Ar ôl y gêm dywedodd hyfforddwr dros dro Cymru Rob Howley fod yn teimlad yn deimlad gwell na'r llynedd pan lwyddodd Cymru i gipio'r Gamp Lawn.

"Roedd y tîm yn anhygoel.

"Roeddem wedi siarad am ddisgyblaeth a'n hagwedd tuag at y gêm.

"I lwyddo fel yr ydym wedi llwyddo ar ôl y 30 munud cyntaf yn erbyn Iwerddon, mae'n anhygoel.

"Roedd yna ddewrder anhygoel, ro' nhw ben ac ysgwydd yn well na Lloegr."

Mae Lloegr yn gorffen yn ail yn yn bencampwriaeth.

ffynhonnell y llunTwitter
disgrifiad o’r llunJohn Inverdale, Clive Woodward, Jeremy Guscott a Jonathan Davies

Byddai buddugoliaeth yng Nghaerdydd wedi sicrhau'r Gamp Lawn i Loegr.

Roedd yn rhaid i Gymru ennill o fwy na saith pwynt er mwyn dal eu gafael ar Bencampwriaeth y Chwe Gwlad.

Cymru : 15-Leigh Halfpenny, 14-Alex Cuthbert, 13-Jonathan Davies, 12-Jamie Roberts, 11-George North, 10-Dan Biggar, 9-Mike Phillips, 1-Gethin Jenkins (Capten), 2-Richard Hibbard, 3-Adam Jones, 4-Alun Wyn Jones, 5-Ian Evans, 6-Sam Warburton, 7-Justin Tipuric, 8- Toby Faletau.

Eilyddion: 16-Ken Owens, 17-Paul James, 18-Scott Andrews, 19-Andrew Coombs, 20-Aaron Shingler, 21-Lloyd Williams, 22-James Hook, 23-Scott Williams.

Lloegr : 15-Alex Goode, 14-Chris Ashton, 13-Manu Tuilagi, 12-Brad Barritt, 11-Mike Brown, 10-Owen Farrell, 9-Ben Youngs; 1-Joe Marler, 2-Tom Youngs, 3-Dan Cole, 4-Joe Launchbury, 5-Geoff Parling, 6-Tom Croft, 7-Chris Robshaw (capten), 8-Tom Wood.

Eilyddion: 16-Dylan Hartley, 17-David Wilson, 18-Mako Vunipola, 19-Courtney Lawes, 20-James