Gweilch: Penodi cyfarwyddwr benywaidd cyntaf rygbi Cymru

Cafodd Debra Williams ei geni yng Nghastell-nedd

Mae menyw wedi cael ei phenodi'n gyfarwyddwr un o ranbarthau rygbi Cymru am y tro cyntaf .

Debra Williams, gafodd ei geni yng Nghastell-nedd, yw cyfarwyddwr anweithredol y Gweilch.

Y gred yw mai hi yw un o'r menywod cyntaf i fod yn gyfarwyddwr clwb neu ranbarth rygbi ym Mhrydain.

Mae wedi bod yn rheolwr cyfarwyddwr cwmni Confused.com ac yn gyfarwyddwr cwmni Tesco Compare.

Dywedodd cadeirydd y Gweilch, Geoff Atherton, ei fod yn croesawu'r penodiad ac y byddai arbenigedd Ms Williams "yn helpu cynaliadwyedd tymor hir y rhanbarth".

Dywedodd Ms Williams, sy'n dal i fyw yng Nghastell-nedd: "Rwy'n credu y galla' i helpu'r bwrdd yn ei ymdrechion i wneud y busnes yn gynaliadwy sy'n allweddol mewn cyfnod economaidd anodd."